రోషన్ మేక (Roshan Meka) హీరోగా, ప్రదీప్ అద్వైతం (Pradeep Advaitham) దర్శకత్వంలో తెరకెక్కిన ఛాంపియన్ (Champion Movie) ట్రైలర్ను మెగా పవర్ స్టార్ రామ్ చరణ్ (Ram Charan) గురువారం రాత్రి విడుదల చేశారు. ఫుట్బాల్ నేపథ్యంలో 1938 కాలంలో సాగే ఈ సినిమా యాక్షన్ టచ్తో రూపొందిన స్పోర్ట్స్ డ్రామాగా ట్రైలర్ ద్వారానే ఆసక్తిని రేపుతోంది. ట్రైలర్ రిలీజ్ ఈవెంట్ అట్టహాసంగా జరగగా, సినిమా యూనిట్తో పాటు సినీ ప్రముఖులు హాజరయ్యారు. జీ స్టూడియోస్ (Zee Studios) సమర్పణలో స్వప్న సినిమాస్ (Swapna Cinemas), ఆనంది ఆర్ట్స్ క్రియేషన్స్ (Anandi Arts Creations), కాన్సెప్ట్ ఫిల్మ్స్ (Concept Films) సంయుక్తంగా ఈ చిత్రాన్ని నిర్మించాయి.
1938 కాలం నేపథ్యంగా బైరాన్పల్లి గ్రామ చరిత్రతో ముడిపడిన కథను ఫుట్బాల్ ఆట చుట్టూ నడిపించడం ఈ సినిమాకు ప్రధాన ఆకర్షణగా కనిపిస్తోంది. యాక్షన్, భావోద్వేగాలు, విజువల్ గ్రాండ్యూర్ అన్నీ సమపాళ్లలో కలిపి ఈ చిత్రాన్ని ఒక క్లాసిక్ స్పోర్ట్స్ డ్రామాగా రూపొందించినట్టు ట్రైలర్ చూస్తేనే అర్థమవుతోంది. చిన్న స్థాయి లగాన్ (Lagaan Movie) తరహా అనుభూతిని ఈ సినిమా ఇస్తుందనే అభిప్రాయం ఇండస్ట్రీ వర్గాల్లో వినిపిస్తోంది. ఈ చిత్రంలో అనస్వర రాజన్ (Anaswara Rajan) కథానాయికగా నటించగా, నేపథ్య సంగీతం, సినిమాటోగ్రఫీ ట్రైలర్కు బలంగా నిలిచాయి.
ట్రైలర్ విడుదల సందర్భంగా ముఖ్య అతిథిగా హాజరైన రామ్ చరణ్ మాట్లాడుతూ చిత్ర బృందాన్ని అభినందించారు. “పోస్టర్లో రోషన్ని చూస్తుంటే యూరోపియన్ యాక్షన్ హీరోలా అనిపించాడు. నాకు మగధీర (Magadheera Movie) ఎంత పెద్ద హిట్ అయిందో, రోషన్కు ఛాంపియన్ కూడా అంతే పెద్ద విజయం సాధించాలని కోరుకుంటున్నా” అని అన్నారు. ట్రైలర్లోని విజువల్స్, కంటెంట్ తనను బాగా ఆకట్టుకున్నాయని, ఈ సినిమా తర్వాత రోషన్ తప్పకుండా స్టార్ హీరో అవుతాడని ధీమా వ్యక్తం చేశారు. 1938 కాలం నేపథ్యం సినిమాకు ప్రత్యేక బలంగా నిలుస్తుందని పేర్కొన్నారు.
ఈ సందర్భంగా నిర్మాత అశ్వనీదత్ (Ashwini Dutt) మాట్లాడుతూ భావోద్వేగానికి లోనయ్యారు. స్టూడెంట్ నెంబర్ వన్, గంగోత్రి, రాజకుమారుడు, చిరుత వంటి సినిమాలతో ఎంతోమంది స్టార్ హీరోలను పరిచయం చేసిన తన ప్రయాణాన్ని గుర్తు చేసుకున్నారు. వైజయంతీ మూవీస్ (Vyjayanthi Movies) బ్యానర్లో అడుగుపెడుతున్న రోషన్ కూడా గొప్ప స్థాయికి ఎదగాలని ఆశాభావం వ్యక్తం చేశారు. హీరో రోషన్ మాట్లాడుతూ ఇది తనకు చాలా ప్రత్యేకమైన సినిమా అని, బైరాన్పల్లి వీరుల కథను ప్రేక్షకులు తమ కథగా భావిస్తారని నమ్మకం వ్యక్తం చేశారు. మొత్తం మీద ఛాంపియన్ ట్రైలర్ విడుదలతో సినిమాపై అంచనాలు భారీగా పెరిగాయి. ఈ నెల 25న విడుదల కానున్న ఈ చిత్రం ప్రేక్షకులను ఎంతవరకు ఆకట్టుకుంటుందో చూడాలి.