సినిమా థియేటర్లలో విడుదలై పెద్దగా ఆకట్టుకోకపోయినా, అదే సినిమా ఓటిటీలోకి వచ్చాక అద్భుతమైన స్పందనను అందుకోవడం ఇప్పుడు సర్వసాధారణం అయిపోయింది. ఇదేమో ప్రేక్షకుల మూడ్, టైమింగ్, కంఫర్ట్, రిప్లే విల్లు, లేకపోతే ఇంట్లో చూసే ఆ స్వేచ్ఛ కారణమో కానీ, కొన్ని సినిమాల పరిస్థితి పూర్తిగా మారిపోతుంది. థియేటర్లలో యావరేజ్ లేదా ఫ్లాప్ టాక్ అందుకున్నప్పటికీ, ఓటిటీలో మాత్రం బ్లాక్‌బస్టర్ స్థాయి వీవర్‌షిప్ సంపాదించడం ఇటీవల పెద్ద ట్రెండ్‌గా మారింది. ఈ వారం కూడా అలాంటి సినిమాలే ఓటిటీలో హడావిడి సృష్టిస్తున్నాయి.
థియేటర్లలో రిలీజైనప్పుడు పెద్దగా టాక్ రానివి "తెలుసుకదా" మరియు "డ్యూడ్" సినిమాలు ఇప్పుడు ఓటిటీలో జోరుగా దూసుకెళ్తున్నాయి. ప్రేక్షకులు ఇంట్లో కంఫర్ట్‌గా, తమ స్వంత రీతిలో సినిమాను చూస్తుండటం వల్ల కావచ్చు, ఈ రెండు సినిమాలు మంచి వీవర్‌షిప్, పాజిటివ్ బజ్‌ను సంపాదించుకుంటున్నాయి. ప్రత్యేకంగా "తెలుసుకదా"లోని ఎమోషనల్ ట్రాక్స్, "డ్యూడ్"లోని యువతకు నచ్చే పాయింట్లు ఓటిటి ప్రేక్షకులపై బాగా పనిచేశాయి. ఒకప్పుడు థియేటర్లలో యావరేజ్ అనిపించిన కంటెంట్ ఇప్పుడు డిజిటల్ ప్లాట్‌ఫార్మ్‌లో సక్సెస్ అయిపోవడం ఓటిటి ప్రభావాన్ని స్పష్టంగా చూపిస్తోంది.
ఈ రెండు సినిమాలతో పాటుగా ఈ వారం ఓటిటీలో మరో పెద్ద హంగామా “Delhi Crime Season–3”. క్రైమ్ ఆధారిత వెబ్ సిరీస్‌లలో క్రేజ్ ఉన్న ఈ సిరీస్‌కు యూత్ నుండి ఫ్యామిలీ ఆడియన్స్ వరకు మంచి హైప్ ఉంది. అదే సమయంలో “జాలీ ఎల్ఎల్బీ 3” హాట్ స్టార్లో స్ట్రీమింగ్ అవుతూ బాలీవుడ్ సెగ్మెంట్ ప్రేక్షకులను ఆకర్షిస్తోంది. కోర్ట్ డ్రామా, కామెడీ మిక్స్ జీన్‌రాలో వచ్చే ఈ సినిమా, ఈ వారం ఓటిటి లైను అప్‌ను మరింత స్ట్రాంగ్ చేసింది. మొత్తం మీద ఈ వారం థియేటర్ల కంటే ఓటిటీ ప్లాట్‌ఫార్మ్స్‌లోనే పెద్ద ఎంటర్‌టైన్‌మెంట్ వేవ్ కనిపిస్తుంది.
అదే సమయంలో టాలీవుడ్ నుండి వచ్చిన "K-RAMP" చిత్రం కూడా ఈరోజు నుండి 'ఆహా' ప్లాట్‌ఫార్మ్‌లో స్ట్రీమింగ్ అయ్యేలా సిద్ధమైంది. థియేటర్లలో మంచి కలెక్షన్లు తెచ్చుకున్న ఈ సినిమా, ఓటిటీలో కూడా వీక్షకులను బాగా ఆకట్టుకునే అవకాశాలు ఎక్కువగా ఉన్నాయి. యూత్ ఫుల్ మూవీస్, కామెడీ, మాస్ ఎలిమెంట్స్ కోసం ఎదురు చూస్తున్న ప్రేక్షకులకు K-Ramp మంచి ఎంటర్‌టైన్‌మెంట్ అందించే అవకాశం ఉంది. అలాగే "Delhi Crime 3" మరియు "Dude" వీవర్‌షిప్ కూడా 'ఈ వీక్ టాప్ ట్రెండింగ్' క్యాటగిరీల్లో నిలుస్తున్నాయి.
ఇక పెద్దగా అటెన్షన్‌ను ఆకర్షిస్తున్న మరో ఈవెంట్ — మహేశ్ బాబు, రాజమౌళి చిత్రం “SSMB29 – Globe Trotter Event”. ఈ ఈవెంట్‌ను హాట్ స్టార్ ప్రత్యేకంగా స్ట్రీమ్ చేయనున్నది. మహేశ్ ఫ్యాన్స్‌తో పాటు ప్రపంచవ్యాప్తంగా ఉన్న సినిమా ప్రేమికులు కూడా ఈ లెవెల్ ఈవెంట్ కోసం ఆసక్తిగా ఎదురుచూస్తున్నారు. రాజమౌళి స్కేల్ ఉన్న ఈ ఈవెంట్ ఓటిటీలో భారీగా ట్రెండ్ అవడం ఖాయం. మొత్తం మీద ఈ వీకెండ్ ఓటిటీలో సినిమాలు, సిరీస్‌లు, స్పెషల్ ఈవెంట్స్ కలిసి ప్రేక్షకులకు ఫుల్ ఎంటర్‌టైన్‌మెంట్ ప్యాకేజ్‌గా నిలుస్తాయి.