రిషభ్ పంత్‌కు కెప్టెన్సీ అవకాశం ఎలా దొరికింది.?
శుభ్‌మన్ గిల్ మెడ గాయం కారణంగా రెండో టెస్ట్‌కు దూరమవుతుండడంతో వైస్ కెప్టెన్ రిషభ్ పంత్‌కి నాయకత్వ బాధ్యతలు దక్కాయి. తొలి టెస్ట్‌లో తాత్కాలిక సారథ్యంతో ఆడిన పంత్ — ఈ సారి పూర్తి స్థాయి టెస్ట్ కెప్టెన్‌గా బరిలోకి దిగనున్నాడు.
ఇలా 2014లో ధోనీ తర్వాత 11 ఏళ్లలో మొదటిసారిగా వికెట్ కీపర్ కెప్టెన్సీ అందుకోబోతున్నాడు.
శుభ్‌మన్ గిల్ గాయం – బీసీసీఐ ఎందుకు రిస్క్ తీసుకోవడం లేదు.?
గిల్ బుధవారం జట్టుతో కలిసి గౌహతి వెళ్లినా, మ్యాచ్ సమయానికి ఫిట్ అయ్యే అవకాశాలు లేవని వైద్యులు భావిస్తున్నారు.
బీసీసీఐ కూడా స్పష్టంగా ఆదేశించింది:
“గిల్ విషయంలో ఎలాంటి రిస్క్ తీసుకోకూడదు… వన్డే సిరీస్ దృష్ట్యా విశ్రాంతి ఇవ్వాలి.”
పంత్ పునరాగమనం నుంచి కెప్టెన్ స్థాయి వరకు:
కారు ప్రమాదం తర్వాత పంత్ తిరిగి మైదానంలో నిలబడటం పెద్ద విజయం. IPL, టీమిండియా ఫార్మాట్లలో అద్భుతమైన పునరాగమనం అతన్ని నాయకత్వ స్థాయికి తెచ్చింది.
అతనిలోని ఉత్సాహం, సహజమైన ధైర్యం, మైదానంలో నిర్ణయాలు — ఇవన్నీ అతన్ని కెప్టెన్సీకి సరైన ఎంపికగా నిలబెట్టాయి.
బీసీసీఐ గిల్ ఆరోగ్యంపై అధికారిక అప్‌డేట్:
బోర్డు ప్రకటనలో తెలిపిన కీలక పాయింట్లు:
• కోల్‌కతా టెస్ట్‌లో గాయపడి ఆసుపత్రిలో అబ్జర్వేషన్‌లో ఉంచారు
• ప్రస్తుతం చికిత్సకి బాగానే స్పందిస్తున్నాడు
• జట్టుతో గౌహతికి వెళ్లాడు
• మెడికల్ టీమ్ ప్రత్యేక పర్యవేక్షణలో ఉంచుతుంది
అయితే ఆడే అవకాశాలు చాలా తక్కువ…
పంత్ కెప్టెన్సీ – భారత క్రికెట్లో కొత్త అధ్యాయం:
సౌతాఫ్రికా వంటి బలమైన జట్టుతో తొలి టెస్ట్‌కి పంత్ కెప్టెన్ అవడం ప్రత్యేకం.
ధోనీ తరవాత ఒక వికెట్‌కీపర్‌కు ఈ అరుదైన గౌరవం రావడం — పంత్ కెరీర్‌లోనే కాదు ఇండియన్ క్రికెట్‌లోనూ ఒక కొత్త అధ్యాయం.