ఇథియోపియా పర్యటన ముగించుకున్న ప్రధాని మోదీ: ఒమన్‌లో ఫ్రీ ట్రేడ్ ఒప్పందంపై సంతకాలు

భారత ప్రధాన మంత్రి నరేంద్ర మోదీ (Narendra Modi) ఇథియోపియా పర్యటనను విజయవంతంగా ముగించుకుని ఒమన్ (Oman) కు చేరుకున్నారు. మూడు దేశాల పర్యటనలో భాగంగా ఒమన్ ఆయన చివరి గమ్యస్థానంగా నిలిచింది. గురువారం డిసెంబర్ 18న భారత్–ఒమన్ మధ్య స్వేచ్ఛా వాణిజ్య ఒప్పందం (Free Trade Agreement)పై సంతకాలు జరగనున్నాయి. ఈ ఒప్పందం రెండు దేశాల మధ్య ఆర్థిక, వాణిజ్య సంబంధాలను మరింత బలోపేతం చేయనుందని నిపుణులు అంచనా వేస్తున్నారు.

ఇథియోపియా పర్యటన సందర్భంగా ప్రధాని మోదీ ఇథియోపియా పార్లమెంట్‌ (Ethiopian Parliament) ను ఉద్దేశించి చేసిన ప్రసంగానికి అపూర్వ స్పందన లభించింది. ఆయన మాటలకు అక్కడి ప్రజాప్రతినిధులు 50 సార్లకు పైగా కరతాళధ్వనులు చేయడం విశేషంగా మారింది. ఇతర దేశాల పార్లమెంట్‌లలో ప్రసంగించిన సందర్భాల్లో ఇది ప్రధాని మోదీకి 18వసారి కావడం గమనార్హం. ఈ సందర్భంగా “వ్యవస్థ గతంలోనే బందీగా ఉంటే ప్రపంచం ముందుకు సాగేది కాదు” అంటూ ఆయన చేసిన వ్యాఖ్యలు సభలో హర్షధ్వానాలకు కారణమయ్యాయి.

ప్రసంగంలో భాగంగా ఇథియోపియా అభివృద్ధి ప్రయాణంలో భారతీయుల పాత్రను ప్రధాని మోదీ ప్రత్యేకంగా ప్రస్తావించారు. గత దశాబ్దాలుగా వేలాది మంది భారతీయ ఉపాధ్యాయులు (Indian Teachers) ఇథియోపియాలో విద్యా రంగ అభివృద్ధికి కీలకంగా పనిచేశారని తెలిపారు. జాతి నిర్మాణంలో భాగస్వాములుగా నిలిచి, ఇథియోపియా ప్రజల హృదయాల్లో భారతీయులు ప్రత్యేక స్థానాన్ని సంపాదించుకున్నారని కొనియాడారు. రెండు దేశాల రాజ్యాంగాల్లో ప్రారంభ పదాలు ఒకే విధంగా ఉండటం భారత్–ఇథియోపియా మధ్య ఉన్న ఆలోచనా సామ్యాన్ని సూచిస్తుందని అన్నారు.

ఈ పర్యటనలోనే ఇథియోపియా ప్రభుత్వం ప్రధాని మోదీకి అత్యున్నత పౌర పురస్కారం అందించి గౌరవించింది. గ్రేట్ ఆనర్ నిషాన్ ఆఫ్ ఇథియోపియా (Grand Order of Ethiopia)ను ప్రధాని మోదీ స్వీకరించారు. ఒక విదేశీ ప్రభుత్వాధినేతకు ఈ గౌరవాన్ని ఇథియోపియా అందించడం ఇదే తొలిసారి కావడం మరో విశేషం. ఈ అవార్డు భారత్–ఇథియోపియా సంబంధాల లోతును ప్రతిబింబిస్తుందని విశ్లేషకులు అభిప్రాయపడుతున్నారు.

ఇథియోపియా పర్యటన అనంతరం ప్రధాని మోదీ ఒమన్ రాజధాని మస్కట్‌ (Muscat) కు చేరుకున్నారు. అక్కడ ఆయనకు ఘన స్వాగతం లభించింది. ఎయిర్‌పోర్టులో ఒమన్ సైన్యం సమర్పించిన గౌరవ వందనాన్ని ప్రధాని స్వీకరించారు. అనంతరం ఒమన్ సుల్తాన్‌తో (Oman Sultan) కీలక భేటీ నిర్వహించారు. ఈ సమావేశంలో ద్వైపాక్షిక సంబంధాలు, వాణిజ్యం, పెట్టుబడులు, ఇంధన సహకారం వంటి అంశాలపై చర్చ జరిగినట్టు సమాచారం.

మస్కట్‌లో భారతీయ ప్రవాసులు ప్రధాని మోదీకి సంప్రదాయ పద్ధతిలో ఘన స్వాగతం పలికారు. భారత్–ఒమన్ మధ్య సాంస్కృతిక, చారిత్రక సంబంధాలు బలంగా ఉన్నాయని ప్రధాని ఈ సందర్భంగా గుర్తు చేశారు. రేపు జరగనున్న భారత్–ఒమన్ స్వేచ్ఛా వాణిజ్య ఒప్పందం రెండు దేశాల మధ్య వ్యాపార అవకాశాలను విస్తరించడంతో పాటు ఉద్యోగాలు, పెట్టుబడులకు దోహదం చేస్తుందని భావిస్తున్నారు.

మొత్తంగా చూస్తే, ఇథియోపియాలో గౌరవం, ఒమన్‌లో కీలక ఒప్పందం అనే రెండు ప్రధాన ఘట్టాలతో ప్రధాని మోదీ పర్యటన ప్రాధాన్యతను సంతరించుకుంది. ఈ పర్యటన భారత్ అంతర్జాతీయ వేదికపై తన దౌత్య, ఆర్థిక బలాన్ని మరింత స్పష్టంగా చూపించినట్లు రాజకీయ వర్గాలు విశ్లేషిస్తున్నాయి.

A special visit to Ethiopia, which will boost India’s friendship with this wonderful nation. Watch the highlights…@AbiyAhmedAli pic.twitter.com/L0dbnBlpfF

— Narendra Modi (@narendramodi) December 17, 2025

ዛሬ ጠዋት ለኢትዮጵያ ፓርላማ ንግግር ማድረጌ ትልቅ ክብርና እድል ነበር። የኢትዮጵያ የበለፀገ ታሪክ፣ ባህልና መንፈስ ጥልቅ አክብሮትና አድናቆትን ያነሳሳል። ህንድ በጋራ እሴቶች፣ በጋራ መተማመን እና ለሰላም፣ ለልማትና ለትብብር የጋራ ራዕይ… pic.twitter.com/S4iqBecyeE

— Narendra Modi (@narendramodi) December 17, 2025

Delighted to have interacted with Ministers and MPs of Ethiopia after my address to the Ethiopian Parliament. pic.twitter.com/tWYd3CvM76

— Narendra Modi (@narendramodi) December 17, 2025