ప్రేమ గెలిచింది మతాంతర వివాహంతో వార్తల్లోకి వచ్చిన స్టార్ క్రికెటర్ శివమ్ దూబే కథ

భారత స్టార్ ఆల్ రౌండర్ శివమ్ దూబే ప్రేమ కోసం మతపరమైన అడ్డంకులను దాటుకుని నిజమైన ప్రేమను గెలిపించుకున్న కథ ఇప్పుడు దేశవ్యాప్తంగా చర్చనీయాంశమైంది. తనకంటే ఆరేళ్లు పెద్దదైన అంజమ్ ఖాన్ అనే ముస్లిం యువతిని ప్రేమించి, బాగా ఆలోచించి చివరికి అదే ప్రేమతో బంధం కట్టుకోవడం మనసును హత్తుకునే విషయం. ఈ ప్రయాణం ఎంత కష్టమైనదో, వారు ఎలా ఒకటయ్యారో ఇప్పుడు చూస్తాం.

శివమ్ దూబే ప్రేమ కథ ఎలా మొదలైంది:

శివమ్ దూబే ప్రేమకథ ఒక స్నేహితుడి ద్వారా పరిచయం కావడంతో ప్రారంభమైంది. పరిచయం క్రమంగా ప్రేమగా మారింది. వయస్సులో ఆరేళ్లు పెద్దదైనా అంజమ్ ఖాన్ మనసు గెలుచుకోవడం శివమ్ దూబేకు పెద్ద విషయం కాదు. ఇద్దరూ కొంతకాలం ప్రేమలో గడిపి, తమ బంధాన్ని బయట చెబుదామా లేదా అనే సందిగ్ధంలో ఉన్నారు. ఎందుకంటే సామాజిక అడ్డంకులు ఎదురవుతాయని వారు ముందే అర్థం చేసుకున్నారు.

కుటుంబాల అంగీకారం కోసం ఎదుర్కొన్న కష్టాలు:

ఈ జంట ప్రేమలో ఉందని తెలిసినప్పుడు మొదట ఇరువురి కుటుంబాలు అంగీకరించలేదు. కారణం మతాంతరం. శివమ్ దూబే హిందూ కుటుంబానికి చెందినవారు. అంజమ్ ఖాన్ ముస్లిం కుటుంబం నుంచి. ప్రేమ ముందు మతం అడ్డుగా నిలిచినా చివరకు కుటుంబాలు ఈ బంధాన్ని అర్థం చేసుకుని అంగీకరించాయి. అందుకే వీరి పెళ్లి హిందూ మరియు ముస్లిం సంప్రదాయాల ప్రకారం జరిగింది. తమ వివాహ ఫోటోలు బయటకు వచ్చిన తరువాత వీరి ప్రేమ టాక్ ఆఫ్ ది టౌన్ అయింది.

అంజమ్ ఖాన్ ఎవరు.?

అంజమ్ ఖాన్ 1986లో ఉత్తరప్రదేశ్ లో జన్మించారు. అలీఘర్ ముస్లిం యూనివర్సిటీలో ఫైన్ ఆర్ట్స్ లో విద్య పూర్తి చేసి మోడలింగ్ మరియు నటన రంగాల్లో ప్రవేశించి మంచి గుర్తింపు తెచ్చుకున్నారు. హిందీ టీవీ సీరియల్స్, ఆల్బమ్స్ లో నటించారు. బాలీవుడ్ సినిమాలకు వాయిస్ ఓవర్ ఆర్టిస్ట్ గా కూడా పనిచేస్తున్నారు. సోషల్ మీడియాలో కూడా ఆమెకు మంచి ఫాలోయింగ్ ఉంది.

శివమ్ దూబే దంపతుల ఆనందమైన కుటుంబ జీవితం:

వివాహం తరువాత ఈ జంటకి ఇద్దరు పిల్లలు పుట్టారు. మొదటి సంతానంగా అయాన్ అనే బాబు జన్మించాడు. 2025 జనవరిలో మహవిష్ అనే కుమార్తె జన్మించడంతో కుటుంబం మరింత సంపూర్ణమైంది. ప్రస్తుతం ఈ జంట తమ కుటుంబంతో ఎంతో ఆనందంగా జీవిస్తున్నారు.

శివమ్ దూబే క్రికెట్ ప్రయాణం:

శివమ్ దూబే తన ఆల్ రౌండర్ ప్రతిభతో టీమిండియాలో ప్రత్యేక స్థానం సంపాదించుకున్నారు. 2019లో టీ20 క్రికెట్ లో అరంగేట్రం చేసి ఇప్పటి వరకు 607 పరుగులు చేశారు. వన్డేల్లో అవకాశాలు తక్కువ వచ్చినప్పటికీ టీ20ల్లో కీలక ఆటగాడిగా ఎదిగారు. ఆసియా కప్ 2025 గెలిచిన జట్టులో ముఖ్య సభ్యుడిగా ఉన్నారు. త్వరలో జరగబోయే దక్షిణాఫ్రికా సిరీస్ లోనూ ఆయనను జట్టులో చూడొచ్చు.